Saturday, May 31, 2008

സൂര്യേട്ടനും ചന്ദ്രേട്ടനും പിന്നെ ..... പിന്നെ ഈയുള്ളവനും

ഞെട്ടിയുണര്‍ന്നു  ഘടികാരത്തില്‍ നോക്കിയ ഞാന്‍ അരിശം കൊണ്ടു വിറച്ചുപോയി..  മണി ഏഴ് കഴിഞ്ഞു "എവിടെ അവന്‍ " എന്‍റെ അലര്‍ച്ച കെട്ട് റൂമിന്‍റെ ഒരു കോണില്‍ നാണിച്ചു നിന്ന അവന്‍റെ കഴുത്തിന്‌ കുത്തിപ്പിടിച്ചു കൊണ്ടു ചോദിച്ചു
"എനിക്ക് വെളുപ്പിന് അഞ്ചുമണിക്ക് കണ്ണാടിയുടെ മുന്‍പില്‍ നിന്നു പല്ലിളിച്ചു കാട്ടണം എന്ന് അറിയാവുന്നതല്ലേ ? എന്നിട്ടും നീ എന്നോട് ഈ കൊടും ചതി ചെയ്തല്ലോ ഡാ .... നിന്നെയൊക്കെ  പൂവന്‍ കോഴി എന്നല്ല വിളിക്കേണ്ടത് നീ പിടക്കോഴിയാ പിടക്കോഴി.. "

അലര്‍ച്ച എന്‍റെ സ്വന്തം അലാറം K . പൂവന്‍ കോഴി ( പൂവന്‍ കോഴിക്കും കിടക്കട്ടേ ഒരു ഇനീശ്യല് ) യെ സംശയിപ്പിച്ചു കാണണം
ഇങ്ങേര്‍ ഇന്നലെ കിടക്കുമ്പോള്‍ ഈവക അസുഖം ഒന്നും ഉണ്ടായിരുന്നില്ല, ഇനി വല്ല മന്ത്രിമാരെയും സ്വപ്നം കണ്ടോ ആവോ ......

ഘടികാരത്തിലെ സൂചികള്‍   ഏഴ് മണിയെ  സൂചിപ്പിച്ചെങ്കിലും   പുറത്തെല്ലാം നല്ല ഇരുട്ടായിരുന്നു! ഇനി ക്ലോക്കിനു തെറ്റിയോ ?! വീട്ടീലുണ്ടായിരുന്ന സകല സമയസൂചകയന്ത്രങ്ങളും  നോക്കിയിട്ടും  മണി എഴില്ത്തന്നെ ഉറച്ചു നില്‍ക്കുന്നു !!!!
തലകുത്തിനില്‍ക്കാന്‍ വയ്യാത്തത് കൊണ്ടു സ്റ്റൂളിലിരുന്നു   ചിന്തകനായപ്പോഴാണ് സംഗതി പിടികിട്ടിയത് .നമ്മുടെ സ്വന്തം സൂര്യേട്ടനും  ,( സാക്ഷാല്‍ സൂര്യന്‍ ) ഞാനും ഇന്നലെ വൈകീട്ടു  പിരിയുമ്പോള്‍ ആശാന്‍ ഒരു കാര്യം പറഞ്ഞിരുന്നു

"ഡാ എനിക്ക് വയ്യ രാവിലെ തന്നെ എഴുന്നേല്‍ക്കാന്‍ .. ഒരുപാടു പ്രായമൊക്കെ  ആയില്ലേ ഇനി വയ്യ മോനേ " ഇത്ര പെട്ടന്ന് സൂര്യന്‍ പണി പറ്റിക്കുമെന്ന്  ഞാന്‍ കരുതിയില്ല " ഗൊച്ചു ഗള്ളന്‍ "

സംഗതി വാര്‍ദ്ധഖ്യസഹജമായ കാരണമല്ല  എന്ന് എനിക്ക് നന്നായി അറിയാം. പാവം മടുത്തു കാണണം രാഷ്ട്രീയക്കാര്‍ ഊട്ടി വളര്ത്തുന്നവരും, മനുഷ്യന്‍റെ ബലഹീനത, നിസ്സഹായത എന്നിവ മതത്തിന്‍റെ യവനിക കൊണ്ടു മറച്ച ഇരുണ്ട വീധിയില്  നിന്നും ചൂണ്ടയിട്ടു പിടിച്ചു ചന്തയില്‍ കൊണ്ടു പോകാതെ വിറ്റു കാശാക്കുന്നവരുമായ കാട്ടാളന്‍മാര്‍ ,സൂര്യ വെളിച്ചത്തില്‍ മാത്രം മദ്യത്തിനും , മധിരാഷിക്കുമെതിരെ വാളെടുത്തത് പോരാതെ വാരിക്കുന്തം, ചാട്ടുളി, ഉറുമി തുടങ്ങിയ പുരാതന ആയുധങ്ങളും , പേന മുതല്‍ കാമറ വരെയുള്ള ആധുനിക ആയുധങ്ങലുമെടുത്ത് ഉറഞ്ഞു തുള്ളുന്നവര്‍ ! ഇവരെയോക്കെയല്ലേ ഒരു രൂപതിലല്ലെന്കില്‍ മറ്റൊരു രൂപത്തില്‍ സൂര്യെട്ടന്‍ ഡെയിലി കാണുന്നത്?

********************
സൂര്യെട്ടന്‍ ഡൂട്ടി മതിയാക്കി അറബി കടലില്‍ കക്ക വാരാന്‍ പോകുന്ന സമയം നോകി മാത്രമെ സാക്ഷാല്‍ നമ്മുടെ ചന്ദ്രേട്ടന്‍ വരികയുള്ളൂ , സംഗതി സൂര്യെട്ടണ്ടേ അനിയന്‍ ആണെന്കിലും ആളൊരു പാവം ആണ് എന്ന് എല്ലാവരെയും ധരിപ്പിക്കാന്‍ എന്ത് കണ്ടാലും കണ്ണടക്കും അതുകൊണ്ടാനല്ലോ നമ്മുടെ നാട്ടിലെ പെണ്‍കുട്ടികളുടെ ചാരിത്ര്യം കവര്‍ന്നെടുക്കുന്ന കാപാലികന്മാര്ക്കെതിരെ സൂര്യ വെളിച്ചത്തില്‍ എട്ടു ദിക്കും പൊട്ടുമാറട്ടഹസിച്ച ധീര നേതാവ് , സ്വന്തം കൊച്ചു മകളുടെ പ്രായം പോലുമില്ലാത്ത പെണ്‍കുട്ടിയുടെ മാനത്തിന് വില പറയുന്നതു കണ്ടിട്ടും കണ്ണടച്ചത് !
ഇതൊന്നും സൂര്യെട്ടനോട് പറയാറില്ല അല്ല പറയാനുള്ള അവസരം ഉണ്ടാവാറില്ലല്ലോ കാരണം ചന്ദ്രേട്ടന്‍ വരുമ്പോഴേക്കും സൂര്യെട്ടന്‍ അറബി കടലില്‍ .........................................................................
സൂര്യെട്ടനോട് പറയാതിരിക്കാന് മറ്റൊരു കാരണം കൂടി ഉണ്ട് എന്ന് ചന്ദ്രേട്ടന്‍ ഈയുള്ളവനോട് പരമ രഹസ്യമായി പറഞിരുന്നു. സൂര്യെട്ടന് പ്രായമായത് കൊണ്ടു ഇതൊക്കെ കേട്ടാല്‍ സമനില തെറ്റും പോലും ... ഞാന്‍ അത് കെട്ട് ഒന്നു നീട്ടി മൂളി . അതൊരു നെടുവീര്‍പ്പ് ആയോ ?! എന്തോ ഏതയാലും മൂളി ... പാവം ചന്ദ്രേട്ടന്‍ അറിയുന്നില്ലല്ലോ കണ്ണടച്ചു ഇരുട്ടാക്കുന്ന പലരും ഇവിടെ ഉണ്ട് എന്ന്

*******************************

സു‌ര്യെട്ടനെ എനിക്കറിയാം എല്ലാം സഹിക്കാനും ക്ഷമിക്കാനും പഠിച്ചവന്‍ . എങ്കിലും ഇടയ്ക്ക് മൂപര്‍ക്കും ക്ഷമ നശിച്ചു തുടങ്ങിയിട്ടുണ്ടാവണം അതാണല്ലോ വറ്റി വരണ്ട കിണറുകളോടും , ഉണങ്ങിയ തോടുകളോടും അരിശം തീര്‍ക്കാറുണ്ട്‌ എന്ന പരമ രഹസ്യം എന്നോട് പറഞ്ഞതു ( എന്നോട് മാത്രമായി പറഞ്ഞതു കൊണ്ടു ഞാന്‍ ആരോടും പറയുന്നില്ല ഇനി അറിഞ്ഞവര്‍ വായക്ക് പൂട്ടിടണം എന്നൊന്നും ഞാന്‍ പറയുന്നില്ല )

ഏതായാലും സൂര്യനും, ചന്ദ്രനും ഒരിക്കലും കണ്ടു മുട്ടില്ലാ എന്ന് നമുക്കു പ്രത്യാശിക്കാം


Wednesday, May 21, 2008

ഞാന്‍ എന്ന സംഭവം

ഒടുവില്‍ ഞാന്‍ ആ തീരുമാനം എടുത്തു എന്‍റെ എല്ലാ ദുരിതങ്ങളും അവസാനിപ്പിക്കണം ! എനിക്കറിയാം എന്നെ പോലെ ഒരുപാട്‌ ആളുകള്‍ ഈ ദുരിതം അനുഭവിക്കുന്നുണ്ട്‌ അവര്‍ എങ്ങിനേ സഹിക്കുന്നു എന്ന് എനി‌ക്ക് മനസ്സിലകുന്നില്ല!! cചുരുക്കി പറഞാല്‍ എന്‍റെ tതീരുമാനത്തില്‍ ഞാന്‍ ഉറച്ചു നിന്നു. nഞാന്‍ എടുത്ത തീരുമാനം അറിഞ്ഞ എന്‍റെ തോഴന്മാര്‍ ഒന്നടന്കം എന്നെ വിലക്കി ( പേടി തൂറികള്‍ അവന്മാര്‍ ഈ ദുരിതം അനുഭവിച്ചു കൊണ്ടിരിക്കുന്നവരാണ് ) പൊതുവെ ധൈര്യവനായ ഞാന്‍ അവര്ക്കു ഒരു മാതൃക ആവട്ടേ എന്ന് സ്വയം ആശംസിച്ചു .

ലോകം കണ്ടിട്ടുള്ള വലിയ വലിയ മഹാന്മാരുടെ ജീവിതം ഞാന്‍ ഒരു മുണ്ടെടുത്തു അരിച്ചു പെറുക്കി നോക്കി സന്തോഷം കൊണ്ടു ഞാന്‍ ഒരു ചാട്ടം കൊടുത്തു നിര്‍ത്തിയില്ല ഒന്നു കൂടി ചാടി നിര്‍ത്തിയില്ല പത്തെ കാല്‍ പ്രാവശ്യം ചാടി കാലില്‍ നിലത്തു കിടന്ന ആണി തറച്ചപ്പോള്‍ ചാട്ടത്തിന്‍റെ പവര്‍ ബ്റേക്കും ഹാന്‍ഡ് ബ്റേക്കും ഒന്നിച്ചു . എന്നെ സന്തൊഷിപ്പിച്ച കാര്യം ഞാന്‍ സുജിപ്പിച്ചല്ലോ മഹാന്‍മാര്‍ എല്ലാവരും തന്നെ ഞാന്‍ ചിന്തിച്ച പോലെ ചിന്തിച്ചവര്‍ ആയിരുന്നു എന്ന സത്യം .

എന്തിനേറെ പറയുന്നു തെക്കു വീട്ടില്‍ അന്ട്രു ഹാജി , കോടാലി കുന്നില്‍ കേളന്‍, പലിശ മത്തായി, കുടിയന്‍ ( മുടിയന്‍ ) ചേക്കു , മീന്‍കാരന്‍ കോരന്‍ , ഡ്രൈവര്‍ ചാത്തു അങ്ങിനേ പോകുന്നു മഹാന്‍ മാരുടേ പട്ടിക . അവര്‍ ആരും തന്നേ സ്കൂളില്‍ മഴ നനയാതിരിക്കാന്‍ പോലും കയറി നിന്നിട്ടില്ല എന്നിട്ടല്ലേ ഈ ലോകത്ത് ഒന്നും അല്ലാത്ത ഞാന്‍ ! ആ ....... ഇതൊന്നും പറഞ്ഞാല്‍ എന്‍റെ കൂട്ടുകാര്‍ക്ക് മനസ്സിലാകില്ല കാരണം അവര്‍ക്ക് എന്നെ പോലെ കിഡ്നി ഇല്ലല്ലോ . ആ.. ആദ്യംകൈകും പിന്നെ പുളിക്കും എന്നാണല്ലോ

ഇപ്പോള്‍ പിടി കിട്ടി കാണുമല്ലോ എന്തായിരുന്നു ഞാന്‍ എടുത്ത കടുത്ത തീരുമാനം എന്ന് ! അങ്ങിനേ പള്ളികൂടതിനോട് ഗുഡ് ബൈ പറഞ്ഞു ലോകത്തിന് വേണ്ടി എന്തെങ്കിലും ചെയ്യണം, ഒത്തുകിട്ടിയാല്‍ ഒരു മഹാന്‍ ആയിക്കളയാം എന്ന മോഹവുമായി സാക്ഷാല്‍ ശ്രീമാന്‍ ഞാന്‍ എത്തിപ്പെട്ടത്‌ ഒരു സിംഗത്തിന്‍റെ കുടിലില്‍ ആയിരുന്നു

അഭിപ്രായത്തില്‍ കുഴചെടുത്ത നിര്‍ദേശങ്ങള്‍ പ്രതീക്ഷിക്കുന്നു

Wednesday, May 14, 2008

രസികന്‍ കഥ പറയുമ്പോള്‍...

ഒരിക്കല്‍ എന്‍െറ സ്വപ്നം ഒരു ഡ്രൈവര്‍ ആയി തീരുക എന്നതായിരുന്നു ബസ്സിന്‍െറ മുന്‍പില്‍ തന്നേ ഞെളിഞ്ഞിരുന്നു വളയം പിടിക്കുന്ന മൂപരേ, "ഹമ്പട കൊച്ചു കള്ളാ" എന്ന് കുറച്ചു അസുയ കലര്‍ത്തിയ ബഹുമാനതോടേ വിളിച്ചിരുന്നു ( മനസ്സില്‍ മാത്രം ). അന്ന് എന്‍െറ മനസ്സിലേ നായക സ്ഥാനത്ത് മമ്മുട്ടി മോഹന്‍ലാല്‍ എന്ന് വേണ്ട കുതിരവട്ടം പപ്പുവിനു പോലും സ്ഥാനം ഇല്ലായിരുന്നു. ഡ്രൈവര്‍ ചാത്തുണ്ണി ആയ മഹാന്‍ ആയിരുന്നു എന്‍െറ നായകന്‍, നായികാ സങ്കല്‍പം വരുന്നതിനു മുന്‍പുള്ള കാലം ആയിരുന്നു അത്. എന്‍െറഡ്രൈവര്‍ സ്വപ്നം എന്നേ ഒരു ബസ് ചിത്രകാരന്‍ എന്ന പ്രശസ്തി സഹാപാടികള്‍ക്കുള്ളില്‍ നേടിയെടുക്കാന്‍ സഹായകമായി ആ കാലഘട്ടതിലേ കഥകളില്‍ നിന്നും നമുക്കു തുടങ്ങാം രസികന്‍_ കഥ പറയുന്നു കൂട്ടത്തില്‍ അഭിപ്രായങ്ങള്‍ക്കു പ്രതീക്ഷിക്കുന്നു .........................................

ഹിഹിഹി